Solidariteit se Doktersnetwerk is ’n beroepsgemeenskap wat saamstaan en saamwerk. Die gemeenskaplike waardes tussen lede in hierdie beroepsnetwerk gee aan elke netwerklid iets om in te glo, asook ʼn platform om terug te ploeg en kennis te deel deur netwerkgeleenthede, werkskepping of mentorskapprogramme. Dit is ʼn gemeenskap wat daarop toegespits is om ʼn dokter se beroep te beskerm, jong mense ʼn kans op ʼn loopbaan in die mediese rigting te gee en die waghond te wees wat brandpunte in die beroep met werkbare oplossings takel. Solidariteit se Doktersnetwerk het ten doel om ʼn veilige omgewing te skep waar dokters volhoubare gesondheidsorg kan lewer.