• Teken in
  • MEDIAVERKLARINGS

    Nuuskommentaar: JZ kry (nóg ʼn) mosie van vertroue

    Nuuskommentaar: JZ kry (nóg ʼn) mosie van vertroue Maandag, 29 Mei 2017 Eugene Brink   Ondanks talle meningsvormers en ontleders se voorspellings dat die pas afgelope naweek ʼn grootliks verbeterde kans aan die ANC se nasionale uitvoerende komitee (NUK) bied om ʼn mosie van wantroue teen pres. Jacob Zuma in te laat slaag, het die berg gister maar net weer eens ʼn muis gebaar. Joel Netshitenzhe, beleidskenner en Mbeki-vertroueling, het eergister skielik die jongste mosie ingedien en dit is uiteindelik met ʼn gemaklike meerderheid verslaan. Daar is sewe maande gelede ook een ingestel deur Derek Hanekom en dit is toe verslaan. Slegs 18 uit sowat 70 NUK-lede het die mosie gesteun (slegs sowat ʼn kwart) en volgens ʼn berig op News24 het ... Lees meer.

    Nuuskommentaar: Bulle én Mitchell sal moet aanpas

    Nuuskommentaar: Bulle én Mitchell sal moet aanpas Vrydag, 26 Mei 2017 Eugene Brink   Die Bulle beleef hul swakste seisoen in anderhalf dekade. Die enigste Suid-Afrikaanse rugbyspan wat die Superrugby-reeks sedert sy aanvang in 1996 gewen het – en boonop drie maal in vier jaar – strompel vanjaar van die een nagmerrie na die volgende. Hulle het al die knie voor die Sunwolves gebuig (die eerste SA span wat hierdie oneer te beurt val) en het rekordnederlae teen die Nieu-Seelandse spanne en die Leeus gely. Dis tyd vir verandering. Groot verandering. Dit kan eenvoudig net nie meer sake soos gewoonlik wees nie. Daar word wyd en syd deur plaaslike rugbyondersteuners gevra dat Kiwi-afrigters kom help om SA rugby uit sy moeras ... Lees meer.

    Nuuskommentaar: Plaasmoorde kort meer as retoriek

    Nuuskommentaar: Plaasmoorde kort meer as retoriek Donderdag, 25 Mei 2017 Eugene Brink   Senzeni Zokwana, minister van landbou, bosbou en visserye, se uitlatings in die parlement dat boere en plaaswerkers beskerm moet word, is ʼn vars briesie te midde van die ANC se muwwe gejaag na sosialisme en radikale ekonomiese transformasie en moet ten minste verwelkom word. Volgens Beeld het hy voor die lewering van sy begrotingsrede vir ʼn oomblik van stilte hiervoor gevra. “Hoor! Hoor!” het dit opgeklink uit DA-geledere.   Hierdie soort uitlatings word maar min bespeur in ʼn ANC wat deesdae omtrent alles doen om versoening in die wiele te ry en wittes, veral Afrikaner-boere, verdag te maak. In die debat oor plaasmoorde vroeër vanjaar was daar ... Lees meer.

    Swak ekonomiese beleid besig om ekonomie te vernietig

    Swak ekonomiese beleid besig om ekonomie te vernietig  Die vakbond Solidariteit het sy misnoeë uitgespreek oor General Motors (GM) se aankondiging gister dat hy sy bedrywighede in Suid-Afrika gaan staak aangesien vervaardiging in Suid-Afrika nie die opbrengste gaan bied wat GM benodig om sy globale strategieë en beleggings te ondersteun nie. Volgens Marius Croucamp, adjunkhoofsekretaris van die staal- en ingenieursbedryf by Solidariteit, kom GM se onttrekking uit die Suid-Afrikaanse mark as ʼn rimpeleffek van pres. Zuma se ondeurdagte kabinetskommeling in April vanjaar. “Ons is nou besig om die negatiewe uitwerking van hierdie afgradering te aanskou. Minder belegging en laer ekonomiese groei is maar net die begin,” het Croucamp gewaarsku. Solidariteit vrees ʼn uittog van nog ander groot maatskappye ... Lees meer.

    Solidariteit loods #BouSaam-veldtog

    Solidariteit loods #BouSaam-veldtog Die vakbond Solidariteit het vandag sy splinternuwe veldtog, met die tema #BouSaam, by ʼn konferensie in Pretoria van stapel gestuur. Die veldtog, wat oor ʼn tydperk van drie maande gaan strek, het ten doel om gemeenskappe betrokke te kry om saam aan suksesvolle selfdoen-instellings te bou. Die veldtog volg op Solidariteit se sukses met sy #OnsBou-veldtog verlede jaar. Volgens dr. Dirk Hermann, bestuurshoof van Solidariteit, moet gemeenskappe  weer saamspan en self bou. “Die verval van die staat tesame met grootskaalse korrupsie in die regerende party noodsaak gemeenskappe al hoe meer om self aan ʼn toekoms te bou,” het Hermann gesê. Hermann het voorts verduidelik dat die Solidariteit Beweging reeds met ... Lees meer.

    ADVERTENSIE VELDTOG

    • KragDag 2017
    • Solidariteit Regsfonds
    • Solidariteit Boufonds
    • Ek Steek My Hand Op
    • Wet op Rassisme
    • Solidariteit vs die Staat
    • Solidariteit vs die SAUK
    • #BOUmyGemeenskap
    • Onderwysberaad
    • SAPD
    • Jou Kampus
    • Nee vir kwotas
    • Vlieg saam
    • Keuringskwotas
    • Oorleef 2016
    • 2015 Dankie
    • M-Net
    • GEPF
    • Beurskompetisie
    • Bokke
    • Kovsies
    • Toekomsberaad
    • VN Veldtog | Reis saam met ons
    • Eggenoot
    • Vergoedingskommisaris
    • Bevry Eskom
    • Ledekompetisie
    • Ras-tellende Aksie
    • Stop kwotas
    • Gee dit terug!
    • Sterkte Renate Barnard

    WEB JOERNAAL (BLOG)

    Koalisies kan kleiner partye stukrag gee

    Koalisies kan kleiner partye stukrag gee Vrydag, 26 Mei 2017

    Die drama wat homself rondom die koalisieregering in die Nelson Mandelabaai Metro afspeel, voorspel niks goeds vir koalisiepolitiek op ʼn veel groter verhoog nie.   Atholl Trollip, die metro se uitvoerende burgemeester, het Mongameli Bobani van die UDM as onderburgemeester afgedank en die stekelrigheid tussen hierdie twee here is van  … Lees meer

    Eugene Brink Eugene Brink

    ʼn ANC-resep vir zombie-kapitaal

    ʼn ANC-resep vir zombie-kapitaal

    Hoe skep jy ʼn ekonomie wat met zombie-kapitaal deurspek is? Die ANC-regering het ʼn resep daarvoor. Die plan is eenvoudig: vergiftig die sake-omgewing met skadelike beleid en onteien ondernemings, soos die plase, wat doeltreffend in die vrye mark presteer, en plaas hulle onder ondoeltreffende en korrupte staatsbeheer.   Wanneer dit  … Lees meer

    Gerhard van Onselen Gerhard van Onselen

    Ek verstaan

    Ek verstaan Sondag, 14 Mei 2017

    Mamma – die betekenis van die woord het ek eers onlangs geleer. Mamma, my mamma, jy is nou al baie lank weg… Maar ek moet vir die eerste keer vir jou sê: “Ek verstaan…” Ek verstaan… Ek verstaan vandag, so op die vooraand van nog ʼn Moedersdag, jou opwinding toe  … Lees meer

    Mia Slabbert Mia Slabbert

    Vryheid – Die belangrikste waarde vir...

    Vryheid – Die belangrikste waarde vir enige samelewing Donderdag, 11 Mei 2017

    Op 23 Maart 1775 in Virginia, lewer Patrick Henry ʼn toespraak waarin hy sê: “give me liberty or give me death.” Die gevolg is dat die VSA tot vandag toe nog die vryste land in die wêreld is. As ek een ding in ons samelewing kon verander dan sou dit  … Lees meer

    Morne Malan Morne Malan

    Coligny: Waar is die woede as...

    Coligny: Waar is die woede as swart mense mekaar doodmaak? Woensdag, 10 Mei 2017

    Die huidige tragedie wat homself in Coligny afspeel skep by baie mense die verkeerde indruk dat wit mense – en veral Afrikaner-boere – uit gewoonte swart mense in Coligny, en elders in die land, vermoor. Dit is die prentjie wat deur die premier van die provinsie, Supra Mahumapelo, geskets is  … Lees meer

    Eugene Brink Eugene Brink

    INLEIDING

    Solidariteit is jou bondgenoot, as’t ware jou ouer broer, in die werkplek – die een wat al sedert 1902 sy lede teen uitbuiting in die werkplek beskerm; die een wat selfs vir jou as professionele individu werksekerheid skep.

    Solidariteit bied tans ’n betroubare diens aan nagenoeg 140 000 lede in alle beroepsvelde, kollektief en professioneel, en het die passie en kennis om na die belange van sy lede om te sien en te verseker dat hulle regte in die werkplek beskerm word.

    Die vakbond het meer as 20 kantore landwyd en lede word deur meer as 300 personeellede en 1 275 vakbondverteenwoordigers in duisende maatskappye bedien. Eenvoudig gestel: Solidariteit maak seker dat sy lede die nodige bystand kry om hulle werk en dus hulle inkomste te beskerm, want jou werk is ons werk!
    ARBEIDSDIENSTE
    Die vakbond Solidariteit se hooffunksie is om sy lede in die werksplek te beskerm. Solidariteit doen dit deur sy Arbeidsdiensteafdeling wat in verskeie bedrywe duisende kollektiewe en individuele lede landswyd beskerm.
    BEDRYWE IN SOLIDARITEIT
    Die vakbond Solidariteit se hooffunksie is om sy lede in die werksplek te beskerm. Solidariteit doen dit deur sy Arbeidsdiensteafdeling wat in verskeie bedrywe duisende kollektiewe en individuele lede landswyd beskerm.
    SOLIDARITEIT REGSDIENSTE
    Solidariteit se regsdepartement is nie net die grootste regsdepartement in alle Suid-Afrikaanse vakbonde nie, maar tel ook onder die grootste arbeidsregpraktyke in Suid-Afrika.
    Top

    Registreer / Register

    Maak toe / Close